Легендарниот хрватски кошаркар и тренер, Александар Петровиќ, има интересен предлог кој може да предизвика бура во неговата земја, но и во соседна Србија.
Имено, братот на Дражен Петровиќ, и предложи на кошаркарската федерација на Хрватска и на селекторот Јосип Сесар, да го повикаат во репрезентацијата српскиот кошаркар Александар Аранитовиќ, кој настапува за Цибона, а во минатото играл и за Партизан и за Црвена звезда.
„Иако Сани Аранитовиќ играл за младите категории во Србија, и со оглед дека има и хрватски пасоп, мислам дека не постојат административни пречки да заигра за хрватската репрезентација. Нормално, друго прашање е дали селекторот Сесар го гледа во репрезентацијаа и дали самиот кошаркар сака да игра за Хрватска“, напиша Петровиќ на Икс.
