Чиро Имобиле, фудбалерот на Лацио и италијански репрезентативец, многу се плаши да патува со авион, а како најефикасниот фудбалер на римските „орли“ се однесува во авион, цел свет виде откако Франческо Ачерби кој седеше до него, сними видео кое го објави на „Инстаграм“.
Имобиле се жалеше на болки во стомакот, но некои велат дека се преправал и дека вистинскиот проблем му е што се плаши да лета со авион.
„Чиро може да даде 100 гола за Лацио, но ова е вистинскиот тој“, напиша неговиот пријател и соиграч Ачерби.
