Околу втората средба има еден интересен факт, а тоа е дека Кралевите никогаш не го победиле лондонскиот тим во меч од натпреварувачки карактер. Низ историјата Реал и Челзи се сретнале трипати, и тоа во дуели во кои се бореле за трофеј.
Во 1971 година, во финалето од тогашното натпреварување на УЕФА, Куп на победници на куповите, Челзи го доби двомечот со вкупен резултат 3-1 (1-0, 2-1). По 27 години пауза, односно во 1998 година, двата гиганти се сретнаа во Суперкупот на УЕФА, а Сините стигнаа до трофејот благодарение на Гус Поје и неговиот победнички гол во 83-тата минута за конечни 1-0.
Од тогаш Реал и Челзи се сретнаа само двапати во пријателски натпревари кои се одиграа во САД. Кралевите двапати беа подобри со победи од 3-1 и 3-2 во 2013, односно 2016 година.
За првпат во историјата овие две екипи ќе се сретнат во Лигата на шампионите, а со оглед на искуството на Реал и како најтрофеен клуб во ова натпреварување, актуелниот шпански првак е фаворит да стигне до големото финале во Истанбул.
На 28 април Реал ќе го нагости Челзи на „Алфредо ди Стефано“, додека реваншот на „Стемфорд бриџ“ е закажан за 4 мај.
