Далас го победи Денвер на свој терен со 107:105 и тоа благодарение на поените на Кајри Ирвинг постигнати со звукот на сирената. Лука Дончиќ доминираше на теренот и беше најефикасен со 37 поени, но во последниот напад на Далас, одлуката да го реши мечот му беше доверена на Ирвинг.
Кајри ја доби топката и тргна во напад додека го чуваше Никола Јокиќ. Ирвинг на чуден начин ја исфрли топката, која на крајот заврши низ обрачот за голема радост на домашните навивачи.
LEFT HANDED, CONTESTED, OFF 1 LEG, AT THE BUZZER, FOR THE WIN
KYRIE IRVING IS JUST DIFFERENT 🔥 pic.twitter.com/9dyi2MkLr3
— MavsMuse (@MavsMuse) March 17, 2024
Непосредно по мечот, се појави фотографија која дава сомнеж околу тоа дали победникиот поен е регуларен. Според таа фотографија, Ирвинг со едната нога за неколку милиметри стапнува на линијата за аут и според тоа, требало да има аут и топка за гостите.
Сепак, овој момент никој од судиите не го забележа, а ниту од гостите за да реагираат и да бараат прегледување на ситуацијата.
Was Kyrie out of bounds on his game-winning possession???? pic.twitter.com/bfehgni4kB
— Nuggets Lead (@NuggetsLead) March 17, 2024
