Македонската ракометна репрезентација денеска од 18 часот против Израел ќе го игра последниот контролен меч пред настапот на Европското првенство. Македонија вчера славеше над Израел со 31:28, а според квотите и „границите“ во Sport Life, денеска може да очекуваме уште поубедлива победа.
Нашите најдобри ракометари од почетокот на подготовките двапати го победија Кувајт, а вчера беа подобри и од Израел. Селекторот Кирил Лазаров ги испробува сите потребни варијанти во нападот и одбраната, па селекцијата би требало да биде подготвена за континенталнит собир кој ќе биде во Унгарија и Словачка од 13 до 30 јануари.
Македонија е во група со Словенија, Црна Гора и Данска, а натпреварите ќе ги играме во унгарскиот град Дебрецин. Првопласираните две од групата ќе продолжат во следната фаза.
