Иван Тричковски е капитен на македонската репрезентација вечерва на мечот со Ерменија за првото место во нашата група во Сегментот Ц и омилен играч на симпатизерите на АЕК Ларнака.
Мечот се игра во Никозија, а со интересен транспарент навивачите на АЕК му даваат поддршка да ја одведе Македонија во Сегментот Б.
Тричковски е вистинска икона на АЕК и најдобар стрелец на сите времиња на кипарскиот прволигаш.
Вечерва ја предводи Македонија со капитенската лента, а ни одговара и реми против Ерменците за да бидеме први и да се преселиме во Сегментот Б од Лигата на нациите.
