Един Џеко, кој ја игра можеби најдобрата сезона во својата кариера во дресот на Фенербахче, налето најверојатно ќе си замине од Турција и ќе тргне по стапките на голем број фудбалери.
Иако во Фенербахче стана лидер на тимот, турските медиумите пишуваат дека Џеко најверојатно ќе се пресели во Саудиска Арабија и ќе потпише за Ал-Хилал.
Според медиумите, Ал-Хилал планира голем проект за носење големи фудбалски ѕвезди со кои би доминирал во саудискиот шампионат и во азиската Лига на шампиони и Џеко им е една од главните цели во летниот преоден рок.
Един Џеко сезонава одигра 37 меча за Фенербахче во сите натпреварувања и постигна 22 гола, а има и девет асистенции.