Напаѓачот на Херта Берлин, Марко Рихтер прими непријатни вести и дијагностициран му е тумор на тестисот при рутинските прегледи пред стартот на новата сезона.
Најавено е дека ќе мора да има оперативен зафат, но се уште се чека конечниот збор на докторите.
Marco Richter will be unavailable for the time being. A urological examination revealed a tumour on the testicle, which will have to be surgically removed. A final diagnosis is yet to be made.#GemeinsamHertha #HaHoHe pic.twitter.com/Wj0tG5YiiT
— Hertha Berlin (@HerthaBSC_EN) July 12, 2022
Рихтер има 24 години и е поранешен кадет на Баерн Минхен, клуб што го препозна неговиот фудбалски потенцијал на популарниот „Ден на талентите“ во Баварија.
По 8 години минати во Академијата на германскиот гигант, Рихтер се пресели во Аугсбург, клуб што е локален ривал на Баерн и на еден меч за резервите на овој тим успеа да постигне неверојатни 7 гола.
Тоа се случи пред шест години против Селингенпортен на меч што заврши со победа на резервите на Аугсбург од 12:0, а Рихтер беше седмукратен стрелец.
За А тимот на Аугсбург, Марко играше од 2017 година до лани, кога се пресели во Херта.
Беше член на олимпискиот тим на Германија на Игрите во Токио, лани, а има играно и за селекциите до 20 и до 21 година.