Рајо Валјекано продолжува со сензациите во Ла Лига и вечерва со 1:0 на гости го победи Вилјареал, една од најдобрите екипи во последните десеттина години во Шпанија.
Македонскиот репрезентативец Столе Димитриевски повторно бранеше за мерак и е меѓу најзаслужните за уште еден вреден „скалп“ во Ла Лига.
Посебно се истакна со двојната одбрана во иста акција на Вилјареал во 32-рата минута, кога ги обрани ударите на Баена и на Капуе.
🎥 @Dimitrievski1 ⛔️#VillarrealRayo #LaLigaHighlights pic.twitter.com/ZQJq4hiZhO
— Rayo Vallecano (@RayoVallecano) January 30, 2023
Неговите добри одбрани со убав и победнички гол ги награди Серхио Камелјо во 70-тата минута.
Sergio Camello’s goal. pic.twitter.com/O9ziyBa2tK
— Atletico Universe (@atletiuniverse) January 30, 2023
Со осмата победа сезонава во Ла Лига, Рајо Валјекано има 29 бода на седмото место и може да се надева на европски настап.
Тимот од Мадрид сезонава е непоразен против Реал Мадрид, Барселона, Атлетико Мадрид, Валенсија, Севилја и сега со Вилјареал, шест екипи што имаат огромен рејтинг во шпанскиот и светскиот фудбал.
Вилјареал со два бода повеќе од Рајо Валјекано е на петтото место.
