Македонскиот репрезентативен голман, Столе Димитриевски, вечерва од 20 часот за првпат во 2022 година ќе брани за Рајо Валјекано, во меч што е историски за клубот од Мадрид.
Рајо ѝ е домаќин на Мајорка во нокаут-мечот од четвртфиналето во шпанскиот куп и ако победи по вторпат во клупската историја, ќе биде меѓу четирите најдобри екипи во Копа дел реј.
Никогаш не го освоиле пехарот, а претходниот и досега единствен пат кога играле полуфинале испаднаа во двомеч од Спортинг Хихон во сезоната 1981/82.
2 – Rayo Vallecano are looking to reach the Copa del Rey semi-finals for the second time in their history after the 81/82 campaign, eliminated by Sporting Gijón in that round (0-1 and 3-0). Dream. pic.twitter.com/CagRZywL9O
— OptaJose (@OptaJose) February 2, 2022
Сега со Димитриевски на голот имаат шанса да ја репризираат историјата по цели 30 години, а се надеваат и на подвиг и на финале, секако ако вечерва од 20 часот бидат поуспешни од Мајорка.
Димитриевски бараше начин да го напушти клубов во овој преоден рок, па најпрво имаше информација дека Барселона е заинтересирана за голманот на Македонија, а потоа имаше и понуда од Ал-Наср од Саудиска Арабија.
Сепак, остана во Рајо Валјекано и вечерва за првпат ќе биде во стартниот состав во новата година.
