Динамо Загреб прави опасно добри трансфери во последната десеттина години, а и сега има одлични играчи со чија продажба може добро да си ја пополни касата.
Калчолигашот Лацио е заинтересиран за голманот Доминик Ливаковиќ, а популарните Модри од Загреб бараат отштета од 15 милиони евра.
Ливаковиќ е хрватски репрезентативец, има 27 години и веќе подолг период за него Динамо одбива добри понуди.
Имаше интерес минатото лето од француски Рен, потоа и од Вулверхемтон, но Динамо не го продаде.
Сега Лацио е заинтересиран, а цената е висока и како отштета Динамо бара 15 милиони евра.
Се очекува и трансфер на Аријан Адеми, за кого неофицијално во клубот е пристигната понуда од над 5 милиони евра, а има голем интерес и за Мислав Оршиќ, за Бруно Петковиќ и за Иванушец.
