Лука Дончиќ продолжува да биде незадржлив за противничките одбрани, па така и на дуелот против Јута ја надмина бројката од 30+ поени. Словенецот заврши со 33 поени и 11 асистенции во победата на неговиот тим од 103:100 против Џезерите.
Дончиќ на сите седум меча од почетокот на првенството е со 30+ поени, со што го надмина постигнувањето на легендарниот Мајкл Џордан, кој имал старт на сезона со шест дуели во кои бил на 30+ поени. Освен Дончиќ, ваков кошгетерски подвик во историјата има направено само уште Вилт Чемберлен пред 60 години.
Mavericks'in Jazz'ı mağlup ettiği maçta Luka Doncic:
⏱️35 dakika
🔥33 sayı | 5 ribaund | 11 asist | 2 top çalma
🎯12/20 FG | 2/6 Üçlük | 7/10 FT60 sene sonra ilk kez bir oyuncu, sezonun ilk 7 maçında 30+ sayı attı! 🤯💦pic.twitter.com/RIl2K19fAP
— Son Tahlilde NBA (@NbaTahlilde) November 3, 2022
Милвоки бакс продолжува со победничкиот ритам откако Бакси без многу проблеми со 25 разлика славеа над Детроит (116:91). Јанис Адетокумбо заврши со 32 поени и 12 скокови во мечот на кој Милвоки го израмни клупскиот рекорд за најдобар старт во една сезона. Само уште во далечната 1971 година и пред пет сезони, Милвоки стартувал со седум победи по ред.
Торонто немаше милост на гостувањето кај Сан Антонио и Рептилите постигнаа дури 143 поени за убедлива победа од 43 поени разлика. Паскал Сијакам блескаше и на крајот заврши со трипл-дабл со 22 поени, 11 асистенции и 10 скока, и тоа само за 28 минути поминати на паркетот.
Резултати: Кливленд – Бостон 114:113 по продолжение, Мајами – Сакраменто 110:107, Њујорк – Аталанта 99:112, Чикаго – Шарлот 106:88, Хјустон – ЛА клиперс 101:109, Милвоки – Детроит 116:91, Сан Антонио – Торонто 100:143, Далас – Јута 103:100, Портланд – Мемфис 106:111, ЛА лејкерс – Њу Орлеанс 120:117 по продолжение.