На 90-годишниот велосипедист Карл Гроув, му била пронајдена недозволена супстанца епитренболон во крвта, па му била одземена титулата на Мастерс првенството на САД во спринт за велосипедисти на возраст од 90 до 94 години, одржано во јули.
Велосипедистот кој ја помина деветтата деценија од животот, на таа трка постави светски рекорд, па и рекордот ќе му биде одземен.
Гроув се брани дека вечерта пред настапот, јадел месо кое веројатно било контаминирано, но тој намерно или ненамерно, веќе ги нарушил анти-допинг правилата и беше казнет од страна на анти-допинг агенцијата на САД. Во прилог на неговата теорија оди и тоа дека пред да го изеде месото, му бил направен друг тест, кој бил негативен.
