Два специјални сингла кои најавуваат дека започнува вистинското шоу на Светското првенство

По одиграни шест натпревари во две групни фази на Светското првенство, во трка за медал останаа најдобрите осум селекции. Денеска започнуваат четвртфиналните дуели, а два меча посебно ќе бидат интересни и возбудливи.

Норвешка и Шпанија од 2000 година до денеска имаат одиграно вкупно 13 натпревари, а Црвената фурија доминира и има дури 11 победи. Сепак, фактот дека Норвешка се подобрува, покажуваат последните две меѓусебни средби, во кои Норвешка за првпат победи (27:23) и одигра нерешено (26:26).

Франција е селекција која секогаш атакува на медал на големи натпреварувања, па затоа Галските петли се во улога на фаворити против Германија. Сепак, Панцерите нема лесно да се предадат, а тоа го покажуваат и резултатите на последните пет меѓусебни дуели. Само пред две недели играа контролен меч, а Германија славеше со 35:34. Во останатите средби, Франција има три победи, исто така со минимална предност од еден гол, а еден дуел завршил нерешено.

- Оглас -

Најнови вести