Еден од фаворитите за освојување на Отвореното првенство на Австралија се откажа на еден ден пред да настапи

Ник Кирјос ги разочара домашните навивачи во Мелбурн, откако беше принуден да го откаже учеството на Отвореното првенство на Австралија. Австралискиот тенисер има болки во коленото и поради тоа воопшто нема да излезе на теренот во првото коло.

Поради истата повреда Кирјос не играше на Јунајтед купот, кој требаше да му биде подготовка за првиот гренслем-турнир во сезоната, но факт е дека тенисерот се појави на „Род Левер арена“ во петокот, кога одигра егзибициски меч од хуманитарен карактер против Новак Ѓоковиќ.

Утрово Кирјос повика итна прес-конференција на која соопшти дека има напукнат латерален менискус и дека има циста, па мора да оди на операција. „Многу сум разочаран. Ова го сметав за еден од најважните турнири во мојата кариера и воопшто не беше лесно да се откажам“, рече Кирјос, кој минатата сезона играше во финалето на Вимблдон, а сега во Мелбурн важеше како еден од фаворитите за висок пласман.

- Оглас -

Најнови вести