Новиот напаѓач на Интер, Един Џеко, вели дека неговиот тим ќе стигне до победа во второто коло од италијанското првенство. Нераѕурите во првото коло стигнаа до најубедливата победа откако со 4:0 ја победија Џенова, па актуелниот шампион и сега е лидер на табелата.
Во второто коло, Интер ќе гостува кај Верона, а Џеко најавува дека треба да се знае кој е првак на Италија.
„Мораме да продолжиме со добар ритам бидејќи секој бод е важен. Против Верона нема да биде лесно, но Интер е шампион на Италија. Добро го познавам тренерот на Верона, Ди Франческо, но, сепак, ние сме Интер и сакаме пред паузата за репрезентативните настапи да заминеме со победа“, рече Џеко за мечот кој ќе се игра утре, на стадионот „Бентегоди“.
