Патрик Виеира нема да биде казнет за постапката по мечот во Премиерлигата меѓу Евертон и Кристал палас, а симпатизерите на фудбалот во Англија велат дека треба да се награди.
Корпулентниот тренер на гостите не им дозволи да го нападнат физички, како што тоа беше случај со Били Шарп во Нотингем и со голманот на Астон Вила, Робин Олсен кој беше удиран од навивачи на Манчестер сити кои ја славеа титулата.
Фудбалската асоцијација на Англија, ФА, објави дека ја прекинува постапката против Виеира, со што тој ќе избегне казна.
Евертон го победи Кристал палас во претпоследното коло во Прениерлигата со голем пресврт од 0:2 до 3:2 и обезбеди опстанок.
Потоа имаше инвазија на домашните навивачи на теренот на „Гудисон парк“, а камерите го фатија Виеира како шутира еден од нив.
По мечот гостинскиот фудбалер на Шефилд, Шарп беше нокаутиран од домашен навивач, а слично мина и Олсен по поразот на Астон Вила на „Етихад“, кога симпатизери на шампионот Манчестер сити го удираа на патот кон соблекувалната.