Се испостави дека човекот кој го турна Кајл Лаури во текот на третиот меч од финалната серија против Голден стејт бил акционер на актуелниот НБА-шампион. Марк Стивенс е казнет од страна на Асоцијацијата со една година суспензија, поточно забранет влез на натпреварите од оваа лига, плус 500.000 долари отштета за непрофесионалниот однос.
Акционерот Стивенс си ја наруши репутацијата со еден глупав потег. Во ситуација кога кошаркарот на Торонто се обиде да ја спаси топката да не оди во аут, падна врз првиот ред од седиштата, каде што во непосредна близина беше и Марк Стивенс. Наместо човечки да му подаде рака да стане, тој дополнително го турна Лаури, а плејмејкерот на Репторс по мечот истакна дека и вербално бил навредуван од страна на Стивенс.
Лаури бараше од Ацосијацијата да се преземат строги мерки, па Стивенс експресно си ја доби казната.
Warriors minority owner Mark Stevens has been banned for one year and fined $500,000 for pushing and cursing at Kyle Lowry last night. pic.twitter.com/B4fw8zlEAJ
— Tim Bontemps (@TimBontemps) June 6, 2019
Ноќеска, во 3 часот по полноќ во „Оракл арената“ ќе се игра четвртиот натпревар од финалната серија, а по три средби Торонто води со 2-1 против актуелниот бранител на титулата.
