Герет Бејл си замина од прес-конференција по едно поставено прашање од новинарите, а се однесуваше на неговиот статус во репрезентацијата на Велс.
Очигледно лут и фрустриран по дебаклот на Велс против Данска и елиминацијата од ЕП со пораз од 0:4, Бејл не одговори на прашањето дали го одигра последниот меч за својата репрезентација.
Капитенот на Велшаните беше нервозен и во текот на мечот, во кој тој и неговите соиграчи беа комплетно надиграни и заслужено елиминирани во осминафиналето од подобриот ривал.
