Европската ракометна федерација отворила истрага по повод „инцидентот“ на финалето на Европскиот куп за мажи на ЕХФ во неделата помеѓу ГРК Охрид и Татабања, во кој наводно се случиле расистички навреди од трибините насочени кон играчот на Татабања, Баптист Даматрен.
„ЕХФ нагласува дека нема место за расизам во европскиот ракомет и како организација ги осудуваме сите форми на расизам, дискриминација и нетолеранција. Секое такво однесување против играч, судија и гледач не се толерира. Последователно, Европската ракометна федерација одлучи да покрене истрага за обвинувањата за да утврди дали треба да се поведат правни постапки“, објавија од Европската федерација.
