Напаѓачот на Ливерпул и француската репрезентација, Уго Екитике, веројатно се здоби со тешка повреда која можеби ќе го спречи да игра на претстојното Светско првенство кое почнува за помалку од два месеци.
Екитике вечерва се струполи на земја без контакт со противнички играч и на носила беше изнесен од теренот. Сомнежите се дека има тешка повреда која ќе го остави без Мундијал.
Неговиот сонародник и соиграч, Ибрахима Конате, потврди дека не е добро.
„Многу сум тажен поради него. Искрено, мислам дека е лоша повреда. Не знам, му испраќам молитви и поддршка“, рече Конате.
Тренерот Арне Слот рече дека не знае каква е повредеата, не го видел Екитике после мечот, бидејќи Французинот заминал дома.
