Џоел Ембид во неделата против ЛА лејкерс одигра уште еден одличен меч во кој беше најефикасен играч од таборот на Филаделфија. Севентисикрес славеа убедливо со 143:120, а нивниот центар оствари дабл-дабл учинок од 37 поени и 14 скока.
Во текот на последните минути од втората четвртина, Ембид реализираше лесно забивање и тоа со финта која своевремено ја правеше Перо Антиќ во дресот на Атланта хокс. Ѕвездата на сиксерси ја научил истата и успешно го копираше нашиот Перо.