Менаџерот на Арсенал, Унаи Емери, ги посочи причините зошто Месут Озил не се најде во стартните 11 на денешната средба против Борнмут. „Топчиите“ со 2-1 триумфираа и без нивниот главен адут.
„Добро го анализираме противникот пред почетокот на средбата, па одлучивме дека ќе имаме поголеми шанси за победа доколку ја смениме стратегијата. Борнмут е екипа која е физички добро подготвена, пред нивни навивачи играат со многу висок интензитет, па токму затоа Озил остана на клупа“, истакна Емери по мечот.
Се испостави дека Емери го направил вистинскиот избор. Арсенал играше со тројца дефанзивци при формација 3-4-3, и на крајот ја остварија посакуваната победа.
