Светското ракометно првенство за жени се игра веќе неколку дена, додека ИХФ се наоѓа под големи критики за имплементацијата на 32 репрезентации.
Според многумина, разликата во квалитет е преголема и тоа доведува до намалување на заинтересираноста кај гледачите.
Сепак, вчера се случи токму спротивен момент, кој е поголем од спортот.
Играа Иран и Норвешка и триумфот на Скандинавките падна во втор план по тоа што се случи по крајот на средбата.
Голманката на Иран, Фатима Бехар Халили, беше прогласена за најдобар играч на средбата, а по добивањето на наградата таа се расплака од радост, а нејзините соиграчи се израдуваа како да освоиле златен медал.
Треба да им се честита и на норвешките ракометарки, коишто уживаа во овие моменти, па ѝ се приклучија на радоста и заеднички го прославија сето тоа.
Бехар имаше седум одбрани за 33 минути, додека Норвешка победи со 9:41, сепак, сето ова паѓа во втор план.