Евролигата стандардно од сезона во сезона нуди одлични натпревари и невидени пресврти и драми, а токму сите тие елементи вечерва ги имаше мечот во Лион, каде што Асвел го победи Олимпијакос со 77:75.
Грчкиот тим имаше комотна предност од 20 поени разлика, 42:22 во текот на втората четвртина и се чинеше дека ќе го декласираат домаќинот.
Но, оттогаш тргна пресвртот на кошаркарите на Асвел, кои дури стигнаа и до предност од 74:73 на една и пол минута до крајот на мечот.
Грците беа прецизни во следниот напад, но францускиот тим го имаше завршниот удар со прецизна тројка на една стотинка до крајот на мечот за голема победа и пресврт против фаворитот Олимпијакос.
Кошаркарот на Лион, Нандо де Коло, вечерва ја мина границата од 4.000 поени во Евролигата и е само третиот кошаркар со таков подвиг.
.@joelbolomboy takes flight to reject Mathew's shot!🛫
Flight Time I @TurkishAirlines pic.twitter.com/x8nk4GpfFL
— Turkish Airlines EuroLeague (@EuroLeague) December 15, 2022
Во вториот меч вечерва Баерн ја победи Валенсија со 97:92.
Претходно Армани Милано ја победи Црвена ѕвезда во Белград, а Жалгирис го урна Кралот, Реал Мадрид во Каунас.
