Дербито меѓу Челзи и Манчестер јунајтед ќе биде најинтересниот дуел во петтото коло во ФА купот. Денешната ждрепка сакаше да ги спои минатогодишните финалисти во ова натпреварување, спектаклот ќе се одржи на „Стемфорд бриџ“ , додека сите мечеви ќе се одиграат од 15-ти до 18-ти февруари.
Челзи вчера се пласираше во петтото коло откако го совлада Шефилд вензди со 3-0, додека Манчестер јунајтед во саботата со 3-1 триумфираше над Арсенал на „Емирати“, а сега избраниците на Оле Гунар Солскјер повторно ќе патуваат за Лондон.
Ланското финале се одигра на 19-ти мај, кога на „Вембли“, Челзи славеше со минимални 1-0 над Јунајтед со погодокот на Еден Азар од белата точка.
Сите парови за петто коло ФА куп:
Челзи – Манчестер јунајтед
Мидлсбро/Њупорт каунти – Манчестер сити
Донкастер роверс – Кристал палас
Вимблдон – Милвол
Бристол сити – Шрусбери таун/Вулверхемптон
Свонси – Барнет/Брентфорд
Портсмут – КПР/Ватфорд
Брајтон/ВБА – Дерби каунти