Вардар е на чекор од освојување на титулата. Најтрофејниот фудбалски клуб во Македонија има шест бода пред второпласираната Шкендија, а до крајот на првенството има уште три кола. Вардар веќе шест години чека да го врати шампионскиот пехар во своите витрини, а сега е потребно само да го направи завршниот чекор.
Сепак, не сите се сложуваат со тоа како Вардар е лидер на табелата во Прва лига. На денешниот меч во Кавадарци меѓу Тиквеш и Арсими, домашните навивачи, популарните „Лозари“ истакнаа провокативна кореографија, на која не требаше да помине долго време, а да стигне првата контра-реакција и тоа од првиот човек на Вардар, Миленко Неделковски.
Претседателот на Вардар испрати „отровни стрели“ кон клубот од Кавадарци кој се бори за опстанок во Прва лига.
