Роже Федерер за помалку од 70 минути го совлада германскиот тенисер Жан-Ленард Струф, со 2-0 во сетови во осминафиналната пресметка во Базел. Швајцарецот на свое тло стигна до 17-тата победа во низа и по 16-ти пат обезбеди пласман во четврт-финалето на овој турнир.
Федерер на старот од првиот сет западна во проблеми, Струф направи брејк за 2-1, но третиот светски тенисер возврати со два брејка и со 6-3 поведе со 1-0. Германецот во вториот сет пружи повеќе отпор, беше неизвесно сè до 5-5, а потоа Федерер го направи третиот брејк на мечот, па на свој сервис без загубен поен ја заврши средбата со 7-5.
Федерер во четврт-финалето ќе игра против подобриот од мечот, Симон – Гулбис.
