Данецот Јонас Вингегард воодушеви со спортскиот потег на легендарната трка Тур де Франс во велосипедизам и не сакаше да го искористи малерот на Словенецот Тадеј Погачар.
Погачар во еден момент од 18-тата етапа лошо влезе во кривина и падна во бразда крај патот, но брзо стана и продолжи, иако не во ист ритам.
Вингегард, кој е со жолтата маичка и е лидер по 18 етапи, го почека големиот ривал и дури го пушти да го претрка, што наиде на воодушевување на сите што ја следат трката.
💥 Quelques instants après une frayeur sans conséquence pour Vingegaard, Pogacar tombe ! Le maillot jaune l'attend et le double tenant du titre salue son attitude 🤝 #TDF2022 #LesRP pic.twitter.com/BpMQql4mHb
— Eurosport France (@Eurosport_FR) July 21, 2022
Погачар, кој е двоен и актуелен бранител на пехарот на Тур де Франс, му се заблагодари на гестот на Данецот, а потоа во интересен финиш сепак беше поразен од Вингегард.
Данецот е лидер и сега и главен фаворит за победа на една од култните велосипедски трки.
