Репрезентацијата на Португалија успеа да го совлада Уругвај со 2:0 во второто коло од групата Х и стана третата селекција што обезбеди пласман во нокаут-фазата по Франција и Бразил.
Португалците по две кола имаат шест бода во својата група, Гана е втора со 3 бода, а Јужна Кореја и Уругвај имаат по еден.
What goal by Ronaldo #Ronaldo #FIFAWorldCupQatar2022 #portugal pic.twitter.com/sruVy94bb7
— Moeski/Sixty (@juiceboxS9) November 28, 2022
Човек на одлука беше Бруно Фернандеш, кој ги постигна двата гола на натпреварот, иако првиот во 54-тата минута ФИФА првично му го припиша на Кристијано Роналдо.
Did Cristiano Ronaldo get a touch? 👀 pic.twitter.com/y7RkN5OXgL
— GOAL (@goal) November 28, 2022
Имено, Фернандеш нафрли од левата страна, Роналдо скокна и се обиде да ја удри со глава, а таа потоа заврши во голот на Уругвајците, кои дотогаш одлично се бранеа.
Official: #POR 1st goal has been handed to Bruno Fernandes, not Cristiano Ronaldo. pic.twitter.com/5hyl3mrPRX
— EuroFoot (@eurofootcom) November 28, 2022
Иако првично му го припиша голот на Роналдо, по десетина минути ФИФА по деталното прегледување на снимката, утврди дека најголемата ѕвезда на Португалците не ја допрел топката и голот му го припиша на Фернандеш.
Фудбалерот на Манчестер јунајтед во судиското продолжение од белата точка го постави конечниот резултат и го потврди пласманот на Португалија во осминафиналето.
Portugal's second goal by Bruno Fernandes 2-0 ⚽⚽#PORURU
pic.twitter.com/xBiP0lL30n— SHA3WAZA (@SHA3WAZA_3) November 28, 2022
Португалија во последното, трето коло, ќе игра против Јужна Кореја, додека Уругвај го очекува дуел со Гана во меч кој треба да го даде вториот патник во осминафиналето од оваа група.
