Милвоки бакс го доби дербито на вечерта проти Филаделфија севентисиксерс со конечни 122:128. Во дуелот на титаните, Јанис Адетокумбо одигра монструозна партија, ниту големиот Џоел Ембид не можеше да го спречи налетот на Грик Фрик. Бакси имаа фуриозна четврта четвртина во која постигнаа 46 поени, па со тоа ја запишаа 59-тата победа во регуларниот дел.
Адетокумбо заврши со двоен учинок од 45 поени и 13 скока, а во својата статистика додаде шест асистенции и пет блока, додека во речиси 35 минути поминати на паркетот не направи ниту една грешка. Имено, Јанис е првиот играч по Мајкл Џордан во последниве 30 години кој забележал ваков учинок без ниту еднаш да загуби посед на топка.
Во дуелот на овие две екипи кој се одигра на 17 март, Адетокумбо во поразот од 125:130 реализираше 52 поени, а сега повторно блескаше против Филаделфија.
Giannis Antetokounmpo becomes the first player to have 45 points, 10 rebounds, 5 assists and 0 turnovers in a game since Michael Jordan in 1989! #SAPStatLineOfTheNight pic.twitter.com/TamYKYdVd3
— NBA.com/Stats (@nbastats) April 5, 2019
Покрај Адетокумбо, за победата придонесе и Мидлтон со 22 поени, додека за Филаделфија најрасположен беше Џоел Ембид, кој запиша троен учинок од 34 поени, 13 асистенции и исто толку скока.
Сакраменто кингс и третпат сезонава го совладаа тимот на Кливленд кавалирс, овојпат со конечни 117:104. Шампионот Голден стејт вориорс на гостувањето во „Стејплс центарот“ во Ел-Еј убедливо ги доби Лејкерс со 90:108.
