Италијанскиот гигант Интер на големо го подготвува трансферот на Кристијан Ериксен од Тотенхем. Според една фотографија која се појави на интернет, спортскиот директор на Нераѕурите, Бепе Марота кој е задолжен за трансферите во клубот, забележан е како излегува од еден ресторан во Милано со агентот на Ериксен.
Според најавите, веќе се договорени личните услови на Ериксен за доаѓање на „Џузепе Меаца“, а сега се чека само Тотенхем да даде одобрување за реализација на трансферот. Данскиот репрезентативе треба да потпише со Интер до 2024 година, а годишно ќе заработува по 8 милиони евра, плус можни бонуси од два милиони евра.
Тотенхем за Ериксен бара 20 милиони евра, а Интер еднаш упати понуда од 12 милиони евра која беше одбиена. Се очекува двата клуба да се договорат за трансфер вреден околу 18 милиони евра.
Марота и менаџерот на Ериксен, Мартин Шутс беа „уловени“ како го договараат трансферот, а видео може да видете на следниот ЛИНК.