Французите во паника, Мбапе го скрши носот!

Франција со победа започна на Европското првенство откако минимално со 1:0 славеше над Австрија, но по дуелот, Галските петли немаа многу причини за славје. Пред крајот на дуелот, Килијан Мбапе заработи повреда на носот и мораше предвреме да излезе од игра.

Крвав беше носот на Мбапе, а првичните информации не носат добри вести. Првата ѕвезда на Франција има скршеница на носот, што беше потврдено и од селекторот Дидие Дешан.

Најлошите прогнози се дека Мбапе ќе треба да паузира до крајот на ЕП, а најоптимистичките се дека голгетерот набрзо повторно да се најде на теренот и тоа со заштитна маска на лицето.

Остануваат неколку дена до следниот меч на Франција, период во кој треба да се види каква е сериозноста на скршеницата и дали Мбапе за брзо време ќе се врати на теренот.

Интересно е дека кога се повреди, Мбапе прво излезе од теренот, а потоа намерно се врати за да легне и да бара лекарска помош, а всушност сакаше да „краде време“, па затоа доби и жолт картон.

 

ПОВРЗАНИ ВЕСТИ

- Оглас -

Најнови вести