Фудбал се игра во шест земји во светот, во едната играчите се со маски
Само во две земји на земјината топка не се пријавени заболени од Коронавирусот.
Само шест држави во светот не ги имаат прекинато своите фудбалски првенства, и тоа: Белорусија, Хаити, Никарагва, Мјанмар, Туркменистан и Бурунди. Во последните две, барем официјално, уште нема заразени од Коронавирусот.
Белорусија е единствена во Европа, таму лигата само што почна и се игра со публика. Интересен е примерот со Никарагва, земјата од Средна Америка, каде што фудбалерите на терен се појавуваат со заштитни маски и ракавици.
„Владата рече дека има услови да се игра, забележани се само неколку случаи. Ќе играме додека не ни кажат поинаку. Играњето со маски на лицето не е невозможно. Дома се тушираме и пресоблекуваме, одвоени сме на тренинзи, но за време на мечевите тоа не е можно, фудбалот е спорт со контакти“, изјави фудбалерот Бернардо Лауреиро, напаѓач на клубот Диријанген.
