Фудбалерот на Црвена ѕвезда, Гелор Канга, повторно беше повикан во репрезентацијата на Габон, за која досега има одиграно 63 натпревари. Африканската репрезентација ќе игра пријателски мечеви со Сенегал и Катар, но Канга уште првиот ден е исфрлен од хотелот и нема да настапи на овие натпревари.
Фудбалерот кога пристигнал на првата прозивка, со себе ги повел и својата сопруга и братот и ги сместил во истот хотел во кој е и репрезентацијата. Одговорните кога дознале за тоа веднаш реагирале, па настанала кавга, бидејќи забрането е семејствата на фудбалерите да присуствуваат во истиот хотел со репрезентацијата.
Канга не се согласил со ова, па бил исфрлен од селекцијата и нема да настапи на натпреварите против Сенегал и Катар, а неизвесно е дали во иднина ќе продолжи да игра за Габон.
