Раководството на Тиквеш донесе важни одлуки по последниот состанок на Акционерското друштво, при што ко-сопственикот Цезер Браво ќе ја преземе целосната контрола врз функционирањето на клубот.
Како дел од новата организациска поставеност, беше извршена и целосна промена во стручниот штаб. Клубот се раздели со тренерот Борче Христов, заедно со неговите соработници Трајче Стојковски, Ванче Шиков и Баже Левков, како и со спортскиот директор Љупчо Трајковски.
Од клубот истакнуваат дека ќе продолжат да работат професионално и транспарентно, со цел стабилизација и напредок во завршницата од сезоната.
По 30 одиграни кола, Тиквеш се наоѓа на петтото место во Прва македонска фудбалска лига со освоени 41 бод.
