Сензационалниот Брајтон во саботата го победи Манчестер јунајтед со 1-3 на „Олд Трафорд“ и дојде до третата позиција на премиерлигашката табела.
Одличната игра која ја прикажуваат фудбалерите на Брајтон, но и одличната поставеност на играчите од страна на тренерот Де Зерби одлично се виде во 53-тата минута, кога Брајтон зголеми на 0-2 преку Германецот Паскал Грос.
Брајтон имаше 30 додавања пред голот, а акцијата започна од голманот и беше крунисана на најубав можен начин.
