Премиерлигашот Брајтон покрена иницијатива за убав подарок како гест за благодарност кон здравствените работници во Англија, кои се хероите во битката против Коранавирусот, а целта е да им се подарат најмалку 100 илјади бесплатни влезници за фудбалските натпревари.
Нивниот ривал од Премиер лигата, Борнмут, веќе ја прифати фрлената ракавица и објави дека ќе обезбеди најмалку илјада билети за медицинскиот персонал што е во фокусот во моментов на сите жаришта во битката со опасниот вирус.
„Фудбалот во моментов не ни е во мислите, но иницијативата е прекрасна и веднаш ја прифативме. Доволно е сите клубови во Велика Британија да одвојат во просек по илјада влезници за да им се заблагодариме на симболичен начин на модерните херои во битката со Коронавирусот. Верувам дека и Англија, Шкотска, Република Ирска и Северна Ирска ќе обезбедат и билети за натпреварите на националните селекции. Знаеме дека е ова симболичен гест, но сакаме да ја поздравиме иницијативата на Брајтон“, вели Џеф Мостин, првиот човек на Борнмут.
Иницијативата на Пол Барбер, кој е извршен директор на популарните Gалеби од Брајтон, е одлична и веќе е најавено и од останатите клубови дека ќе ѝ се приклучат.