Сантос е клубот во кој Пеле го одигра најзначајниот дел од кариерата и мина цели 18 години растејќи заедно со него до небески височини.
„Црно-белите“ со тага ја примија веста за смртта на фудбалскиот великан и се простија од него само со еден збор: Вечен си!
Eterno. pic.twitter.com/N912VpCmVK
— Santos FC (@SantosFC) December 29, 2022
Пеле почина денеска на 82-годишна возраст по долгата битка, откако беше опериран туморот на дебелото црево кај трикратниот светски првак.
За Сантос, кој му е прв професионален клуб во кариерата, одигра 636 натпревари и постигна неверојатни 618 гола, или безмалку по еден на меч во просек.
Неодамна од Сантос објавија дека ќе го сменат клупскиот грб во чест на Пеле и изјавија:
„Ти си нашата легенда и нè направи гиганти од мал клуб. Со тебе како лидер освоивме шест бразилски титули и по два пехари во Копа Либертадорес и во Интерконтиненталниот куп. Ти благодариме“, беше пораката за поддршка за Пеле во моментите кога тој ја биеше најважната животна битка.