Ермен Гјулбудагјанц се радуваше на првата победа како селектор на Ерменија, а триумфот од 4-0 против Македонија, како што вели, е плод на тимската игра.
„Потврдивме дека имаме многу квалитетни играчи, кои можат кога сакаат. Имавме серија состаноци со претседателот на нашата Федерација, со навивачите и многу сум среќен што ја победивме Македонија. Имавме серијал од лоши резултати, но верувам во подобра иднина. Играчи од екстра класа како Мхитарјан, Мовсисјан, Газарјан… можат многу подобро, а тоа го потврдивме и вечерва против Македонија“, изјави селекторот на Ерменците.
За нив остануваат уште два меча на домашен терен во Лигата на нациите, против Гибралтар и Лихтенштајн, двата на домашен терен. За првото место не одлучуваат сами, па Македонија останува апсолутен фаворит за пласман во полуфиналето во Сегментот Д и продолжување на битката за настап на ЕП 2020 година.
