Мартин Хинтерегер одговара со одлични игри на трпението што го имаше раководството на Ајнтрахт за него и со два потези му донесе еден бод на Ајнтрахт, против Херта.
Популарните „орли“ губеа со 0:2 од тимот што го предводи Јирген Клинсман, но стоперот имаше поинаков план. Најпрво намали на 1:2 со одличен удар со глава во 65. минута, а потоа исто така со глава му асистираше на Роде за израмнување во самиот финиш на мечот.
Хинтерегер летово беше „фатен“ во пијана состојба, како едвај стои на нозе на фестивал во родната Австрија, а потоа го преспа и тренингот на Ајнтрахт, па не се појави.
Раководството на Ајнтрахт не го казни, а 26-годишниот австриски репрезентативец враќа со одлични игри и голови и асистенции.
