Никола Јокиќ постигна еден од најлудите квадрипл-дабл учиноци во историјата на НБА-лигата, а сепак доби многу критики за играта против Сакраменто кингс.
Извонредниот центар на Денвер нагетс постигна 26 поени, имаше 12 асистенции и 11 скока, но и вкупно 10 грешки, или половина од целиот тим на гостите кои загубија со 125:115.
Nikola Jokic moves into 9th all-time in career triple-doubles and passes Fat Lever for the most in @nuggets franchise history!
26 PTS | 11 REB | 12 AST pic.twitter.com/S9J6NM5M6H
— NBA (@NBA) December 30, 2020
Квадрипл-дабл учинокот во лига како НБА е реткост, а за да биде комплетно позитивен, најчесто една од категориите покрај поените, асистенциите и скоковите, се блокадите или украдените топки.
Кај Јокиќ комбинацијата е чудна со одличен ефект во поени, асистенции и скокови, но и двоцифрен број на загубени топки, дури 10.
„Тоа е премногу за играч од негов калибар. Никола не смее да има двоцифрен број на грешки“, изјави тренерот на Денвер, Мајкл Мелоун.
Сепак, Јокиќ има регуларен трипл-дабл, што му е вкупно 44-ти во кариерата и се проби на деветтото место на вечната листа, а сега е и најдобар во таа категорија во клупската историја на Денвер нагетс.
