Тампа Беј го победи Колумбус со 3:2 во четвртиот најдолг меч во историјата на НХЛ-лигата, а голот на Брејден Поинт во петтото продолжение стави крај на неверојатната драма во „Скоцијабенк арената“.
Грмотевиците двапати губеа во регуларниот дел, но успеаја да израмнат и регуларниот дел од три периоди по 20 минути заврши нерешено 2:2.
A historic hockey game comes to an end.@BraydenPoint19 nails the game winner for the @TBLightning in the FIFTH OT. #StanleyCup pic.twitter.com/QxV7T4HEMg
— NHL (@NHL) August 12, 2020
Драмата продолжи долго во ноќта, а се одигра дополнително време од 90 минути, или цел фудбалски натпревар плус. Во плејофот во НХЛ се игра додека некоја од екипите не постигне златен гол за победа, а тоа го стори Поинт во 10-тата минута од петтото продолжение.
Не можеше да го сопре ниту новиот рекордер во НХЛ, Јонас Корписало. Голманот на Колумбус одбрани 85 удари, што е апсолутен рекорд во најсилната хокеарска лига.
Интересно е што Финецот не требаше да брани, но Елвис Мерзликинс не беше подготвен за стартот на плејоф-серијата, па Корписало вторпат по ред беше на голот и стана нов рекордер на НХЛ.
И неговиот соиграч, дефанзивецот Сет Џонс се запиша во историкската книга со рекордни 65 минути и шест секунди минати на мразот во Торонто.
Во останатите први дуели од првото плејоф-коло, Калгари го победи Далас со 3:2, а Вегас беше подобар од Чикаго со 4:1.
