Новак Ѓоковиќ ја зголеми предноста во однос на Карлос Алкарас за уште 180 поени, па има убедливо водство пред вториот на врвот на АТП-листата на најдобри светски тенисери и во ноември треба да се случи историскиот момент, Србинот да стане прв кој цели 400 недели бил број 1.
Неделава почнува Мастерсот во Париз, турнир на кој Ѓоковиќ лани беше финалист и брани многу поени, а Алкарас не играше и со секоја победа ќе си го зголеми контото.
Најдобриот македонски тенисер, Калин Ивановски, се наоѓа на 305-тото место и тоа е негов најдобар ранг во кариерата. Калин е блиску до тоа да влезе меѓу 300 најдобри на светот, но според она што се случува на турнирите неделава, следниот понеделник ќе има пад.