„Не заслужив да победам, но сè уште сум тука и очигледно сум многу среќен. Очигледно е дека имав многу среќа, но го издржав притисокот на турнирот на којшто ми се случуваат неверојатни работи“, вели Роџер Федерер по победата од 3:2 во сетови против Тенис Сандгрен.
Федерер спаси дури 7 меч-топки, а против себе имаше неверојатно добар и мотивиран противник, па вторпат на ова издание на Отвореното првенство на Австралија успеа да се врати од работ на амбисот и да победи.
"I think I got incredibly lucky."
Luck or not, here's how @rogerfederer assessed his performance to advance to the #AO2020 semifinals.#AusOpen pic.twitter.com/MK8UDBxT9o
— #AusOpen (@AustralianOpen) January 28, 2020
Две рунди претходно беше речиси елиминиран во дуелот со Џон Милман, губеше со 4:8 во поени во продолжениот тај-брејк во петтиот сет што се игра до 10 поени, но успеа да освои шест поени по ред и да победи со 3:2.
Денеска повторно играше маестрално во моменти кога веќе сите го прежалија, па најпрво спаси три меч-топки против Сандгрен, а потоа уште четири во тај-брејкот од четвртиот сет, а потоа израмни на 2:2 и го доби решавачкиот сет со 6:3 за пласман во полуфиналето.
Roger Federer has saved seven match points to keep his #AusOpen hopes alive. @bradeningram #9News pic.twitter.com/VZyDkE6PA1
— 9News Melbourne (@9NewsMelb) January 28, 2020
Таму го чека дуел со Новак Ѓоковиќ или Милош Раониќ, а победникот ќе се знае за неколку часа. Тој меч почна во 9.30 часот.