Чилеанскиот репрезентативец Алексис Санчес спогодбено го раскина договорот со Интер и како слободен играч се договори во новата сезона да го носи дресот на Олимпик Марсеј, пренесуваат инталијанските медиуми.
Санчес во Интер помина три сезони, во кои одигра вкупно 109 меча и постигна 20 погодоци. Некогашниот европски првак Олимпик Марсеј се согласил да потпише со напаѓачот до 2024 година.
Alexis Sánchez has just signed all the documents for the termination of the contract with Inter – he’ll travel to Marseille this week to join OM on a free tranfer. 🔵🤝 #OM
Contract already agreed until June 2024, to be signed soon. #TeamOM
— Fabrizio Romano (@FabrizioRomano) August 8, 2022
„Сакаме од срце да му се заблагодариме на Алексис за трите сезони во кои со Нераѕурите освои три големи признанија. Му посакуваме сè најдобро во иднина“, стои во пораката од Интер.
Санчес во кариерата настапувал за многу големи и прославени екипи, како што се Коло-Коло, Ривер плејт, Барселона, Арсенал и Манчестер јунајтед, а бил дел и од екипата на Удинезе, додека кариерата ја започнал во Кобрелоа.
