Норвешкиот напаѓач Ерлинг Халанд сезонава растура во англиската Премиер лига, сериозно го загрозува рекордот на Алан Ширер по број на дадени голови во една сезона, но за Манчестер сити колку и да е благослов што имаат таква машина за голови, толку е и проблем, барем според резултатите.
Сити е најефикасен тим во Премиер лигата со 44 голови на 16 меча, но од 16-те средби, добија „само“ 11.
Во минатата сезона кога го немаа Халанд, после 16 кола, Сити беше прв на табелата со 6 бода предност пред вториот, а сега кога го имаат Халанд, во истиот период заостануваат 7 бода зад лидерот.
Арсенал е прв, има 14 победи во досега одиграните 16 кола, а традицијата вели дека секогаш кога некој тим во англиското првенство славел на 14 од првите 16 меча, на крај станувал и шампион.