Ѓорѓев и Димитриевски се разминаа, Рајо го победи Грасхоперс
Младинскиот репрезентативец на Македонија пристигна со Грасхоперс на турнирот во Мадрид, но голманот на Рајо Валјекано, Димитриевски, не го дочека бидејќи е со селекцијата А.
Никола Ѓорѓев и Грасхопрес се гости на турнирот што го организира Рајо Валјекано, каде што брани Столе Димитриевски, но голманот на домаќините и еден од најталентираните наши играчи се разминаа.
Димитриевски е со селекцијата А во Швајцарија, на завршните подготовки пред мечот со Лихтенштајн, па немаше можност да му биде домаќин на Ѓорѓев.
Рајо Валјекано го освои пехарот на турнирот со победа од 3-1 против швајцарскиот состав, чиј член е младинскиот репрезентативец на Македонија Никола Ѓорѓев.
