Капитенот Никола Ѓоргиев повторно беше вистински предводник на теренот во неверојатната победа на Македонија против Словенија во Љубљана. За помалку од 24 часа, Македонија стигна до две неверојатни победи, а посебно е сладок триумфот над домаќинот.
„Видовте ли што направивме. Ја победивме Словенија сред Љубљана. Имаме срце, срце планина. Сите играчи. Знаев дека како што одминува турнирот, сè подобри и подобри ќе бидеме. Ние можеме, ние знаеме. Губевме 24:22, а го добивме сетот со 26:24. Тоа е одлика на голема репрезентација. Со Господ напред, се надевам дека ќе бидеме во Топ 16 во Европа. Нашето го направивме. Ветивме две победи и ги остваривме“, вели предводникот на новите спортски херои, капитенот Ѓоргиев.
