Голем скандал го стресе бразилскиот фудбал поради инцидентот кој се случи за време на тренингот на тимот на Сантос, а во главна улога беше Нејмар. Според информациите кои стигнуваат од Бразил, Нејмар се степал со синот на некогашниот бразилски репрезентативец Робињо.
Робињо јуниор кој има само 18 години се најде на мета на речиси двојно постариот Нејмар (34 години) и тоа за време на еден класичен тренинг. Тоа што требаше да биде стандарден тренинг се претвори во хаос и тоа во моментот кога Робињо јуниор успеа да го издрибла Нејмар.
Ѕвездата на Сантос не го прифати овој потег на тинејџерот и веднаш му се нафрли и физички се пресмета со него. Нејмар со нога го удри младиот соиграч, за изненадување на останатите фудбалери.
И младиот Робињо не му остана должен на Нејмар, па му врати со туркање. Од информациите кои доаѓаат, потоа Нејмар повторно реагирал удирајќи му шлаканица на Робињо јуниор.
Засега не е јасно кои ќе бидат чекорите што ќе ги преземат челниците на Сантос.
: There was a HEATED FIGHT between Neymar and 18-year old Robinho Jr. (Robinho’s son), during training with Santos.
Robinho Jr. reportedly dribbled past Neymar, which sparked the reaction, Neymar lashed out and KICKED him. The youngster got back up and shoved… pic.twitter.com/ryLLK7Usnk
— The Touchline | (@TouchlineX) May 3, 2026
